Sagaing region Kani township, Twinkone khua Military council sipaiten an luh chilh a, bungrua an ruksak nual thu tualchhung mipuiten Yangon Khit Media an hrilh a.
May 13 chhun dar 12 khan Twinkone khuaah Military council sipai 150-ten an luh chilh a, In an rawk a, bungrua man to tam tak an laksak nual thu hriat a ni a.
Heng bakah hian Military council sipaiten Monywa District Battalion 4, Division 3 Monywa Night King camp an luh chilh leh a, tualchher silai 21 leh RPG pariat leh a mu 3, silai dawt lian 1 leh a mu bomb 135, bomb te 8, 60 MM bomb 5, vawm bomb 3, bomb te 8, zen ip 65 leh zen dum buk 1, wire hrui kual 7, uniform suit 50, thir zaina khawl 2 leh thir chherna khawl 2, thir verhna khawl 3, a vaiin Kyats nuai 400 man hu hmanrua an laksak nual thu hriat a ni a.
Military council sipaiten khawchhung an luh chilh lai hian PDF tangrual pawlten bomb kam hmanga beih an tum a, MOCHA cyclone thlipui hlauh vang leh tuilian vanga an tlanchhiatnaah an him theih nana an tih avangin bomb an kam loh thu hriat a ni bawk.
“Military council sipaiten khawchhung an luh chilh hnu hian inchhung bungrua an tihchhiat nual bakah thil man to tak tak an la nual a. Monywa Night King camp an bei nawn leh a, Kyats nuai 400 chuang man hu ralthuam leh hmanraw tam tak an laksak” tiin Monywa information-a thuneitu pakhat chuan a sawi a ni.
Monywa Night King pawlte ralthuam leh hmanraw tam tak Military council sipaiten an laksak vek avangin heng ralthuam leh hmanrua an neih leh theih nan mipuiten thei tawp chhuah leh turin tanpuina an ngen thu an thuchhuahah an tar lang a ni.
