KaNi khuaa Military council Tower camp an beihnaah Military council sipai 20 an thi a, ralthuam an laksak nual

0

beihnaah Military council sipai 20 an thi a, heng zingah Captain Theu Linn Htet a tel thu PDF news atanga hriat a ni.

April 17 zing dar 7:40 atangin zing dar 8:00 thleng khan Sagaing, YinMaPin District, KaNi township-a Military council sipai 30 vel awmna Tower camp, PDF Yinmapin District Battalion 1 ten an laksak a. He camp an laksak tum hian Military council sipaite an tlanchhuak a, man an nei nual bakah thi zingah an officer Captain Theu Linn Thet pawh a tel thu hriat a ni bawk.

Military council sipai Tower camp an laksak tum hian  MA-2 silai 3, MA – 11 silai 6, MA – 3 silai 5,  MA – 4 silai pakhat, MA silaimu bawm 8, 5.56 silaimu tlawn 9380, 60 MM Laipui 1, 60 MM bomb mu 50, 40 MM bomb mu 57, vawm bomb 56, bomb kam hmatawng 10, rah puah bomb 29, Detonator vawm bomb 37, Detonator bomb 45, Armor 2 leh Kyats 11100 an laksak thu hriat a ni.

Military council sipai Tower camp hi Monywa (Mung Zua)- YaGyi-Kalaymyo motor kawng ban 49-naa awm a ni a, Military council sipai te information hnar Tower camp pakhat a nih thu hriat a ni a.

Tun dinhmunah hian Tower camp an beihna hmunah Military council sipai tam tak ten buk an khuar mek thu hriat a ni bawk.

Share.

Leave A Reply

Exit mobile version