Chin State, Kanpalet township huam chhungah Military council sipaiten Thlawhnaa an bomb thin avangin raltlan mi 2000 chuang ei leh in tanpui an ngaih zual thu hriat a ni a.
Military council sipaiten operation an neih thin avangin HmanTaw Village tract-a khaw 5-a tualchhung mipui 1500 leh Magway region, Saw township-a khaw 5-a tualchhung mi 500 te chu Kanpalet township-ah an raltlan hlawm avangin ei in leh damdawi tanpui an mamawh zual thu hriat a ni a.
CDF-Kanpalet, CDF tangrual pawlte leh Military council sipai te ni 4 chhung an inbeihnaah hian CDF-Kanpalet-ten, an senso te theihtawpa tanpui turin July 19 khan thu an chhuah thu hriat a ni a.
July 18 zing dar 11 vel khan Kanpalet township, HmanTaw Village tract, MaSaTui khua chu Military council sipaiten Jet Fighter-a vawi 5 an bomb-naah BDM Biak in leh chenna in 5 a chhiat thu hriat a ni bawk.
