Chin State, Kanpalet township-ah Tui Lun Toh Kui, Dengue natna a hluar hle a, tualchhung mipuite hnenah tanpui an mamawh hle thu Kanpalet township, hun khaihlak chhunga Health department zinga thuneitu pakhat chuan a sawi a.
“Dengue natna hi raltlante chauh pawh ni lo, khawchhunga mite pawhin an vei nual a, mi 100-ah mi 97 vel an vei ang” tiin Public Health Department zinga thuneitu pakhat chuan a sawi a.
Kanpalet khawpuiah inkal pawhna kawng a harsat avangin damdawi leh thil pawimawh pek a harsat thu Kanpalet khawpui, raltlan tanpui zinga thuneitu pakhat chuan heti hian a sawi a.
“Hmeichhe naupang pakhat, ni 4 chhung khawsikin a luak thin a, Magway damdawi inah kan panpui hnu pawhin a hnar atang leh a ka atangin thisen a chhuak reng a, rei lo teah an boral zui nghal” tiin a sawi a ni.
Tun hnai lawk khan Kanpalet township-ah khawthalo leh Dengeu natna a hluar hle a, inenkawlna damdawi a chatlak avangin mi 20 aia tlem lo an boral tawh thu Kanpalet khawpuia tualchhung mi te hnen atanga hriat a ni.
Tunah hian Kanpalet township-ah Military council sipai te leh CDF tangrual te an inbeihna avangin Saw khua leh a chhehvel khaw hrang hrang bakah ramhnuai thlengin an tlanchhe mek a.
Kanpalet township-ah hian hun khaihlak chhunga Public Healh department-ten Clinic an hawng nual a, CDM health department 20 rualten raltlan mi 7000 chuang an enkawl mek a, Doctor leh damdawi lam mi thiam an mamawh hla thu an sawi bawk a ni.
