Chin State chhim lam, Kanpalet khuaah September 20 khan Military Council sipaite leh CDF-Kanpetlet Battalion te inkahnaah Military Council sipai 5 aia tlem lo an thih thu CDF-Kanpetlet Battalion ten an thuchhuahah an tarlang.
Chinland Defence Force- Kanpetlet Battalion ten September 11, atang khan Military Council sipaite thunun hmuna, then fai hna an thawhnaah Military Council sipaite nen September 20, tlai dar 3:00 atanga 4:00 thleng an inkap a.
He inkahnaah hian Military Council sipai 5 aia tlem lo an thi a, ruang 3-te vuina hun an buatsaihsak thu CDF-Kanpatlet Battalion ten an sawi.
Then fai hna, an thawhna hmunah hian MA silai mu tlawn 201, 40mm 3, Bulletproof pakhat an laksak a. CDF-Kanpatlet sipaite thi leh hliam awm lovin an tinsan thu CDF-Kanpetlet ten an thuchhuahah an tarlang.
Hetiang vek hian Mindat khawpuiah pawh September 21, khan Khah Lah Yah (LIB) 274 Battalion chu ralthuam lianin an kap a, Military Council sipai, thi leh hliam an awm leh awm loh hriat chian a nih loh thu CDF-Mindat ten an thuchhuahah an tarlang.
