Chin State, Kanpalet township, PaKuin khua chuanhnuai KaTin luipui bula inbeihnaah Military council sipai 10 an thih thu CDF Kanpalet-ten July 23 khan an thuchhuahah an tar lang a.
Kanpalet khuaa buk khuar mek Military council sipai rawn chhuak chu CDF Kanpalet te nen July 23, chhun dar 12 atanga chawhnu dar 1:30 thleng khan PaKuin khaw chuanhnuai KaTin luipuiah an inkah thu hriat a ni a.
He inbeih tawnnaah hian Military council sipai 5 an thih bakah hliam an awm nual thu hriat a ni a. CDF sipai lamah thi leh hliam an awm lova, Military council sipaite bomb kam rah phuah avangin tualchhung mi pakhat a boral thu hriat bawk a ni.
Hetiang vek hian July 21 khan Kanpalet khuaa buk khuar tura rawn kal Military council sipai 140 rualte chu CDF sipaiten LoneMaung khaw bulah tum khat, MyatNuTu khaw hmar lamah tum khat an beih tumah Military council sipai 2 an thi a, pakhat a hliam thu hriat a ni bawk a ni.
