Yangon region, ဒလ township-ah police leh sipaite lo inkah tum ဒလ based sipai battalion-in May ni 3 khan police pakhat sergeant Thun Lin chu thah tumin an kap a, hliam na tak a tuart hu hriat a ni.
Yangon region, Kyihmintai township police pawl, Setsan area police station-a sergeant Thu Lin (လ-166684) chu a pa damlohna avangin a pianna Kawhhmu township, Kyaihthaw khuaah a kal a. May ni 3-ah Dalah township-a sipai operation nei mek pawl pakhatin Khawhmuး township, Kyaihthaw khaw luhna fire department office kawtah checking neiin, bike chuangte an man a.
Chutia sipai lamin bike an man zingah Sergeant Thun Lin-a thiante pahnih khalh lai bike pawh a tel a. Pawisawi lo a thiante pahnih bike mansak chungchangah police sergeant Thun Lin chuan sipaite hnenah a va sawisakna lamah sipaiho nen a inhnial buai a.
A tawpah sipai lamin police sergeant Thun Lin chu kah hlum tum tih hriat takin silai an hmet puak a, mipui pungkhawm pawh an hnawh darh nan silai an hmet puak bawk a. A hnu lawkah police sergeant Thun Lin chu hliam na tak tuara a awm thu hriat a ni a, mipui lamin khaw chhungah an hruai lut a, a hnuah ကျိုက်ထော် area police station commander San Myint Naing kaihhruai police 6 an rawn thleng a.
Police sergeant Thun Lin chu Kyaihthaw district damdawi in lamah an dah lut a, May ni 3, tlai lam dar 6:10-ah a zia awm theih loh avangin, No. 1. Military hospital (khum 1000) lennaah Shwe Kyaihthaw tlawmngai pawlin an dah luh leh tih hriat a ni.
Dalah township-ah April ni 15 Tuitheh kut ni takah sipai leh police te an intithiam lova, silai hial hmeh puah a nih tak avangin, water festival chu tihtawp rikngawt a nih thu hriat a ni a. Chutianga sipai leh police te inkara inkahna chhuaka buaina a lo thlen tawh avangin, police sergeant Thun Lin pawh sipaiten kah hlum hial tuma an beih thu tualchhung miten an sawi a ni.
