Kayin State, Kawkareih township, Kyondoe khuaa DKBA te nena an beihnaah Military council sipai 90 chuang an thi a, mipui lam 3 an boral thu Lion Battalion Commando pawla A Ngia Ta chuan Yangon Khit Thit Media a hrilh.
January 20 khan Kyondoe khaw kiang, Kawkyaik (Kawh Chaih) khua, Mi Ka Lung khua leh Kan Ni khuaah Military council sipai Division 44 hnuaia mi te leh south easthen command hnuaia sipai 150 ten an luhchilh laiin KTL Army-a chief strategist Captain El Seow (El Si Wa) kaihhruai Lion Battalion Commando, KNU/KNDO No. 6 Battalion Ga Nong operation leh DKBA operation tangrual ten January 26 khan an inkah nasat hle thu hriat a ni.
He inbeihnaah hian Military council sipai 90 chuang an thi a, mi 50 chuang an hliam a. Military council No.545 leh 546 ten Kan Ni khawchhungah laipui vawi 200 chuang an kah chhuah bakah chung lam atangin vawi 10 aia tlem lo an kah thu hriat a ni bawk.
Military council sipai ten ralthuam lian leh chung lam atanga an beihnaah chenna in 5 a kang a, KNDO No.6 Battalion, Division-a Captain Saw Lin Thi leh sipai 2, ram tan an nunna an hlan thu hriat a ni.
“He inbeihnaah hian Military council sipaite an tlanchhia , DKBA leh Kayin sipaite an tam hle a ni” tiin A Nga Ta chuan a sawi.
