Kayah State-a raltlan mi 1400 chuang ASEAN tanpuitu pawl AHA Center kal tlangin PLNO-ten an chhawmdawl thu PLNO General Secretary Colonel Khun Aung Man chuan a sawi a.
Military council-ten thuneihna an lak hnu hian Military council sipaite leh KA, KNDF tangrual te nen an inkahna avangin Kayah State atanga raltlan mi 8000 chuang te chu PNLO huam chhung, Shan State chhim lam SiShain towmship leh MohMe township-ah an awm a.
SiShain township YePhyu khuaa raltlan mi 1450 te chu buhfai bag 400 leh tul pawimawh chi hrang hrang te chu July 16 khan an chhawmdawl thu PNLO-ten an sawi a.
AHA Center te hi PNLO te nen tangkawpa a vawi khatna atan May 7 khan tanpuina pek an tum khan, SiShain township panna kawngah leh luikawr thenkhatah inkahna a chhuah avangin an tum anga program an hman theih loh thu hriat a ni a.
A tum 2-na atan July thla chhung khan an tanpui thei ta a, raltlan dang te pawh chhawmdawl leh zel an nih dawn thu PNLO General Secretary Colonel Khun Aung Man chuan a sawi a.
PNLO hi Myanmar rampum inkahhaina thuthlung (NCA) ziahnaah pawh khan, rem tihna hming an lo sgin tawh a, Military council-ten thuneihna an lak hnu hian Military council sipaiten an bei chhunzawm leh a ni.
