Sagaing region, Kalaymyo atanga Chin State luh tlangna Tedim townmship, Khaikam khuaa Military council police Station bulah July 5 khan bomb a puah avangin police Station bulah security-te an Duty tam hle thu hriat a ni a.
July 5, zan dar 7:55 vel khan Khaikam police Station leh Kalaymyo University karah Military council-ten an bomb kam pahnih a zawna a puah hnuah Minute 3 chhung silai an kah thu tualchhung miten an sawi a, inkah buaina a awm loh thu hriat a ni bawk.
Heng avang hian July 5, khan Khaikam police Station-ah bunker siamin tiau ipin an inkulh nual a, bomb an kam thluah thu hriat a ni a bawk.
July 1 atangin July 6 thleng khan Kalaymyo atanga Chin Hill lawn chhohna kawng an khar thu hriat a ni a. Taingen khuaa Military council sipaite chu CDF, CDM leh SIYIN Battalion-ten thuchhuah an siam hnuah July 1, chawhnu atang khan Kalaymyo atangin Taingen-ah Military council sipaite puibawm turin Military council sipaite an chhoh nual thu hriat a ni bawk.
