Khawvela khawpui ralmuang ber 60 zingah Yangon khawpui chu a hnuai berah awm!

0

Khawvela magazine lar tak pakhat The Economist chuan kum 2021-a khawvela khawpui ralmuang ber list 60 a tar chhuahah Yangon khawpui chu a hnuai berah a awm tih hriat a ni.

Chu list-ah chuan Denmark khawpui Copenhagen chu ralmuang leh him bera ngaih a ni a. Hei hi kum hnih dan zela enchhinna neih a ni thin a, chung khawpui 60 zirchiannaah chuan ram chhunga building sak dana himna, mimal tin himna, environment, hriselna (healh care system) te tiin en tur chi 57 a awm a, chuta a that dan result azirin ranking siam a ni.

Khawpui ralmuang ber 5 te chu Copenhagen, dawtah Toronto, Singapore, Sydney leh Tokyo te a ni.
ASEAN ram zingah chuan Malaysia khawpui Kuala Lumpur chu 32 rank, Thailand ram Bangkok 43 rank, Vietnam khawpui Ho Chi Minh 45 rank, Philippine khawpui Manila 45 rank, Indonesia khawpui Jakarta chu 51-na leh Myanmar khawpui Yangon chu ranking no. 60-ah a awm tih hriat a ni a.

Ni kum hmasa 2019 kha chuan Yangon khawpui chu ranking 55 leh 60 inkarah a awm a, tunah chuan dinhmun derthawng berah a awm tawh tihna a ni.

Share.

Leave A Reply

Exit mobile version