Sagaing region, Khin U township, Yardaw khua Military council sipaiten an kah hnuah chenna in an hal thu tualchhung miten Yangon Khit Thit Media an hrilh a.
June 18, zing dar 5:30 vel khan Ye Oo township, KyaPanNgyo (Chia Pan Ngiu) khua atanga feh chhuak Military council sipai 200 rualten ralthuam lian leh te an kah hnuah Khin U township, Yardaw khua an luh chilh a, chenna in an hal bakah tualchhung mipui an man nual thu hriat a ni a.
Hemi hnu hian Military council sipaiten Yardaw khaw bul Kyundaw (Chun Taw) khuaah zing dar 7 vel khan ralthuam lian leh te nen an luh chilh thu hriat a ni bawk.
“Khawchhung mi an man nual a, an man zat kan hre thei mai rih lo. Yardaw khua leh KyundawGyi (Chun Taw Chi) khuaah Military council sipaite an awm nual bawk a, Yardaw khuaah In 4,5 vel an hal mai thei” tiin tualchhung mi pakhat chuan Yangon Khit Thit Media a hrilh a ni.
Military council sipaiten ralthuam lian leh te nena an luh chilh avangin khaw 8-a tualchhung mipui 4000 chuang te chu khawvar hma atangin in leh lo an tlansan vek thu tualchhung mi te hnen atanga hriat a ni.
