Sagaing region, Khin U township KaByut (Ka Buat) leh KohTet khuaah Military council sipaiten chenna in an hal chhiat nual thu Khin U township-a information leh thuneitu pakhat chuan Yangon Khit Thet Media an hrilh a.
May 7 tuk khan AyeYaWaDi tuipui chhak atanga tlak lam zawh kaia Khin U khaw huam chhunga rawn lut Military council sipai 200 rual operation-ten zing dar10:00 atangin KaByut khuaa chenna in an hal tan a, tlai lamah KohThet khuaah ralthuam lian an kah chiam hnuah chenna in an hal nual thu hriat a ni a.
Hetia Military council sipaiten ralthuam lian hmanga KaByut khua leh KohTet khua an luh chilh avangin a khaw chhehvela tualchhung mipui 7000 chuang an tlanchhe hlawm a, PDF sipai 7 a boral a, mi 3 a hliam thu hriat a ni bawk.
“Tun dinhmunah hian Military council sipaiten KohTet khuaah an luh chilh a, inkah buaina chiam a awm hran lova, heti hian chenna in an hal ringawt a ni” tiin Khin U khawpuia information leh thuneituten an sawi a ni.
