Sagaing region, Khin U township-ah Military council sipai ten chenna in an hal khaw 4-ah tualchhung mipui 3000 ten ei in an chhuanchham thu tualchhung mipui ten Yangon Khit Thit Media a hrilh.
January 30,31 khan Khin U township-a Biang Kyiang khua, Yung Suh khua, Ngyaung Pin Gyi Suh khua leh Hman Ta khuaah Military council sipai 150 rual ten an luhchilh a, chenna in 700 chuang an hal bakah khaw 4-a tualchhung mipui 3000 chuang an tlanchhiat thu hriat a ni.
Tun dinhmunah hian heng khaw 4-a tualchhung mipui 3000 chuang ten ei in tur an chhuanchham thu leh silh leh fen an mamawh zual thu hriat a ni.
“Biang Kyiang khua, Yung Suh khua, Ngyaung Pin Gyi Suh khua leh Hman Ta khuaa mi 3000 chuang te ei in tur an chhuanchham a, silh fen tur an mamawh hle a ni” tiin tualchhung mi pakhat chuan a sawi.
Military council ten thuneihna an lak hnu hian Khin U township-ah Military council sipai ten khaw 64-ah chenna in 3600 chuang a halchhe tawh a, tualchhung mipui 20000 chuang in leh lo an tlansan thu hriat a ni.
