Khin U khawpuiah Myanmar Military council-te siam zu leh beer Kyats nuai 4000 chuang man hu  an chil chhia

0

Sagaing region, Khin U township-a township PDF te leh tangrual pawlten an dap chhuahnaah Military council siam zu leh beer an man nual hnuah an tihchhiat vek thu Khin U township PDF thuneitute hnen atanga hriat a ni a.

May 20 khan Khin U township kawng pakhatah Military council siam Dagon chhinchhiahna chuang, beer leh zu phur Motor 3 chu an dan siam angin an man thu Khin U township PDF thuneituten heti hian an sawi a.

“Kan awmna Township-ah hian khawi hmun atang pawhin Military council siam thil reng reng lak luh kan phal lova. Hman ni lawk atang khan kan khap a, man to vak lo te pawh ni se, kan ngaimawh a. Tun anga man tam tak kan man ang hi tum 2-na a ni tawh a, a phurtute pawh thil awmzia kan hrilh tawh” tiin an sawi a.

Heng an man tak Military council siam; beer case 540, bur 11040, um 780, man a ni a, Kyats nuai 4000 chuang man hu a nih thu Khin U township, Public Administration-ten an thuchhuahah an tar lang a ni.

Khin U township, Public Adminstration te chuan township chhungah Military council te thil siam chhuah zu leh beer bakah meizial reng reng zawrh phal a ni lo tiin hriattirna a chhuah tawh thu township PDF-te zinga thuneituten an sawi a.

“Tuna kan thuchhuah dan chuan Military council-te thil siam chhuah beer leh zu chhinchhiahna awm reng reng zawrh phal loh tiin hriattirna kan sem darh nual tawh a, zuar in awm chuan kan check ang” tiin a sawi.

Military council-te siam chhuah atangin a hlep um a, mipuite leh Revolution beitute chhiatna a thlen thin avanga an khap thu township Public Administration-ten an thuchhuahah an tar lang a ni.

Share.

Leave A Reply

Exit mobile version