Sagaing region, Khin U township, Mya Kan khuaah February 7 tuk khan Military council sipaite an luh avangin Myakan khuaa tualchhung mi 800 chuang an tlanchhiat thu tualchhung mi pakhat chuan a sawi.
Military council sipaite leh Phyusawhti pawl mi 50 rual ten zing dar 7:30 vel khan khawchhung an luhchilh a, an khaw pa ber Pu Khin Maung Thi chu PDF tia puhin an chenna In, an halsak thu tualchhung mi pakhat chuan RFA Media a hrilh.
“Myakan khuaah min rawn luhchulh a, Pu Khin Maung Thi-a in an hal a. Khaw hrang hranga pem khawm mi 800 vel kan ni a, kan tlanchhe vek a ni”
Myakan khuaah a hlimchhawn chuan in 100 leh mihring 500 vel kan awm a, a hnuah khaw hrang hrang atangin pem khawmin mi 800 vel kan cheng tawh tiin a sawi a.
Myakan khuaa luhchilhtu te hi eng pawl nge tih hriat a ni lova, Khin U township, Phyusawhti khuaa an sawi, Ywa Thit Kone khua leh Min Done khaw bul Moe Taing Chaung khuaa buk khuar Military council sipaite an nih thu tualchhung mi pakhat chuan a sawi.
Military council sipaite hi February 7 zing dar 11:30 vel khan, khua an chhuahsan nain boruak a that loh avangin khawchhung mi te an kir rih loh thu tualchhung mi pakhat chuan a sawi.
PDF sipai pakhatin Myankan khuaa an operation hmain bomb kam hmanga an beih thu a sawi a.
He inbeihna chungchangah hian RFA Media ten thutlukna an siam theih loh bakah Sagaing region thupuangtu Immigration Minister U Aye Hlaing an phone-naah chhanna an la awm rih lo a ni.
Nimahse, duty chungchangah thuchhuah an awm loh thu U Aye Hlaing chuan RFA Media hnenah a lo sawi lawk tawh a ni.
February 6 pawh khan he operation hian Khin U township, Min Done khuaah an luh avangin tualchhung mi 500 chuang an tlanchhe tawh a ni.
