Sagaing region, Khin U township, Ye Oo leh Khin U kal kaina Lei atanga Khin U khaw lamah April 11 khan Military council sipai 60 rual ten operation an neih avangin Khaw 7-a tualchhung mipui 3000 chuang an tlanchhiat thu tualchhung mi ten an sawi.
April 11 tuk khan Khaw 7 zinga Inn Pat khua Military council sipai ten ralthuam liana an bomb avangin tualchhung mipui an tlanchhe chiam a; mi 4, kum 12 tleirawl, kum 46 mi nutling, kum 46 mi Ko Win Kyain, kum 35 mi Ko Naing Tun te an hliam thu Khin U khuaa hming thup pakhat chuan RFA Media a hrilh a ni.
Inn Pat khua hi kum 2022 May thla khan Military council sipai ten luhchilhin In an hal chhe nual tawh a, tualchhung mipuite School-ah leh ramhnuai bakah Chawlhbukah an awm nual thu a sawi bawk.
Mipui an tlanchhiatna chungchangah Sagaing region-a Military council thupuangtu RFA Media-in an zawhnaah chhanna a la awm rih lo a ni.
Military council ten kum 2023, February thla khan Khin U township hi Martial Law an lo puanna hmun a ni tawh bawk a ni.
