Military Council te, ralthuam kenga bei mek Kayin Ni State-a mipui veng himtu pawl KNDF tan mipuite leh NUGPay kal tlang a, tanpuina an dil angin chawlhkar khat chhungin K.2500000 (Nuai 25) an dawn thu hriat a ni.
Kayin Ni tena an record-na atanga a lan dan chuan June 1-30 thla khat chhungin Kayin Ni State chhungah inkahna tum 44 aia tlem lo a thleng tawh a, Demoso township-ah tum 21 zet inkahna a thlen tawh thu hruat a ni bawk.
Tun dinhmuna Kayin Ni tena Military Council te an beihnaah hian tanpuina sum an mamawh avangin NUGPay ten tanpui theih an inhuam thu an thuchhuahah an tar lang tawh a.
Hmanni lawk khan Kayin State, Waw Lay khaw chheh vel, Uh Ka Rit Camp laksak lawmna atan NUGPay atangin ni 2 chhunga an sum dawn zat, K.4600000 (Nuai 46) chu Cobra pawl tan an pe.
Tun dinhmunah pawh hian Sagaing Region chhunga Bo Naga kaihhruai Myanmar Royal Dragon Army (MRDA) tiamin Revolution bei mek tam zawk tan hian NUGPay kal tlangin ral beihna sum an dilna thu hmuh a ni bawk.
NUGPay hi Military Council thununna hnuaia awm thin chu, duh lovin Digital Myanmar Kyats (DMMK) leh NUGPay Mobile Phone atanga lak theih turin NUG sorkar chuan June 26 khan a puang tawh.
He thu an puanna chhan chu Military Council ten sum pung leh a hlep an dawn loh nan leh ngaihngam taka sum fai lak theih nana din a nih thu NUG Project, Union Ministry of Finance & Invesment chuan a sawi.
Myanmar tangka anga hlutna inang Digital Myanmar Kyats (DMMK) hi Union of Myanmar hian a nemngetpui tawh a, NUGPay Mobile Phone atanga pangngai taka a hman theih thu pawh tihchhuah tawh a ni.
