KNU Bridage 3 huam chhung, KawTuLay bial, KhaLeYeThu District-ah July 1-5, ni 5 chhung khan Military council sipaite nen an inbeihnaah Military council sipai 32 an thi a, Military council sipai 22 an hliam thu KNU-ten an thuchhuahah an tar lang a.
Ni 5 chhung hian KNLA Bridage 3, huaia Battalion tangrualte nen vawi 9 an inbeih thu hriat a ni a. He inbeihnaah hian KNLA Bridage 3 hnuaia sipai pakhat a boral a, Military council sipaiten ralthuam lian vawi 144 leh ralthuam tea an beihnaah tualchhung mi 2 an boral a, mi 6 an hliam bawk a.
Heng bakah Military council sipaiten tualchhung mi 48 an man a, phone 7 leh Kyats nuai 25 an laksak a. Chenna in 5, Bike 3, Tractor pakhat, Engine Generator pakhat, Thirsakawr pakhat, Water engine pakhat leh Vawk in 2 an hal chhiat thu hriat a ni bawk.
Military council sipaiten ni 5 chhung an beihnaah hian KhaLeYeThu District, khaw 8-a tualchhung mipui 4672, in leh lo an tlansan thu hriat a ni a.
Hetiang vek hian a chhehvel khua 14-a tualchhung mipuite an tlanchhiat nual thu hriat a ni bawk a ni.
