Kayin State, KNU Brigade 5 huam chhungah Military council hnuaia ramri sipai (BGF) te an beihnaah BGF sipai 5 an thi a, silai 6 an laksak thu KNU News Mutraw chuan a tar lang a.
May 26 zing dar 6:13 vel khan KNU Brigade 5 huam chhunga luh chilh BGF-1013 Battalion te chu WaDu leh LeKue khaw inkar petrol zawrhna Dawr kianga an buk khuarnaah beih an ni a, he an beihnaah hian BGF sipai 5 an thih mai bakah silai chi hrang hrang 6 an laksak thu hriat a ni a.
He inbeihnaah hian BGF Battalion-te hnen atangin M-16 AR pali, silai mu tlawn 320, M-79 pakhat leh a mu 17, 9-MM Pistol pakhat, indo uniform suit 4, M-16 AR silai mu bawm 4, inbiakna khawl pakhat leh Bag 6 lai an laksak thu hriat a ni bawk.
