South Korea-a Myanmar mi ten Spring Revolution atan “ Kan ram tan, ka ni khat (One Day Challenge-ODC)” Project hmanga kum 1 chhunga an sum hmuh zawng zawng US Dollar maktaduai 1, chu NUG, Project, Ministry of Finance and Investment (MoPIF) hnenah an hlan thu hriat a ni.
He One Day Challege hi kum 2021, July thla atang khan tan a ni a. Korea rama khawpui hrang hrangah member 1800 atangin ni khat sum lut chu thla tin an khawl a. Kum khat chhungin US Dollar maktaduai khat leh Won Nuai Sangkhat an hmu a. Won, Nuai Sangkhat hi PDF pawlte an pek dawn thu, Military Council do pawl committee, Korea chuan News-ah a tar lang.
NUG hian ODC member sum thun angin thla 6 danah “Tax hamthatna Certificate” an pek thin angin Acting President Du Wa La Shi La chuan thla 12 chhunga sum pe thei te chu Military Council dotu, Spring Revolution-a “Tanpuitu Ram Pasaltha” tiin chawimawina Certificate a hlan a.
One Day Challenge Project kum khat champha a nihna angin vawiin hian Korea khawpui hmun 15-a, Myanmar mite awmna hmun 22-ah One Day Challenge, function a ruala an hman thu hriat a ni.
He function hi zing dar 10:00 atangin tlai lam dar 3:00 thleng hman a ni a. Member lut thar te lawmna te, member-te sawihona te, ODC hnathawh dan sawihona te, NUG Bonds leh EOD (Inya View 6,5) Share te pawh an zuar a.
Korea-a Military Council do pawl committee chuan kum 2021, February atanga 2022 July thla thleng khan ODC leh mi dang hnen atangin tanpuina sum chu NUG tan $ maktaduai 1, PDF tan Won Nuai 980 chuang leh Kyats Nuai 1300, CDM, CRPH leh raltlante tan Won Nuai 2400 vel leh Kyats Nuai 9900 chuang an tanpui thu an thuchhuahah an tar lang a ni.
