Hman ni lawk khan Myanmar Military council ten Township 37-ah Martial Law an puan tak avangin Military council ten Kristiante awmna hmunah tun aia beih an tawk an rin avangin Kohhran hruaitute leh Human right pawl ten an hlauhthawn thu UCA News chuan February 8 khan an thuchhuahah an tarlang.
Hun khaihlak chhung, thla 6 thuneihna a pawh sei leh hnuin Sagaing region, Magwe, Pagu, Thanintari region leh Chin, Kayah, Katin leh Mon State township-ah Military council ten February 2 khan Martial Law an puang a.
Hemi hnu hian zan dar 6:00 atangin zing dar 6:00 thleng curfew an puan bakah mi 5 aia tam lo awm khawm an phal lo a ni.
Military council ten hetia thu an chhuak avangin Kristian awmna hmun hrang hrangah beih an tawk lehzualna kawng a inhawng mai thei tiin Mandalay khawpuia Pastor pakhat chuan February 9 khan UCA News a hrilh a ni.
Chin State tlak lam towmship 7 leh Kayah State chhuah lam township 4-ah Kristiante leh Kristian ralthuam keng pawlte an awm nual a, Military council ten thuneihna an lak hnu hian an inbeih thin thu hriat a ni bawk.
