Myanmar ram chhungah Military council-ten thuneihna an lak hnuah kum 2023 January thla atangin April thla thlenga inbeihnaah Military council sipai 3948 an thi tawh a, 1760 an hliam thu NUG sorkarten May 5 khan an thuchhuahah an tar lang a.
Military council sipai hmatawng te, Brigade, Battalion, Division, Khah Lah Yah (IB) te, Khah Mah Yah (LIB), Military region leh Military commander, Airforce hmun leh Military council hmunpui hrang hrang te thla 4 chhung an beihnaah thi leh hliam an awm nual thu hriat a ni a.
Janaury thla atanga April thla chhung khawpui hrang hrangah Drone hmangin tum 193, camp-ah tum 44, hmun pawimawhah tum 26 leh hmun hrang hranga an beihnaah Military council sipaite leh an thawhpui mi 3948 an thi a, mi 1760 an hliam thu NUG, PDF ten an tar lang a.
Heng an beihna hmunte hi Naypyitaw khawpui, Sagaing region, Magwe region, Taninthari region, Mandalay region, Yangon region, . Ayeyawadi region, Bago region, Kayin region, Mon State, Kachin State, Chin State, KayinNi (Kayah) State, Shan State chhim lam leh hmar lam te an ni a.
Hetianga Military council-te kan beihna chungchangah kan tanrualna a nih thu an thuchhuahah an tar lang bawk a ni.
