Military Council ten sorkarna an lak kum khat hnuah hian Kyats 10000 tlang leh Kyats 5000 tlang lem Billion vel a awm tawh a rin thu Centrl Bank-a Officer pakhat chuan Yangon-a Khit Thit Media te a hrilh.
Ram chhungah Pawisa lem a awm leh awm loh thu Central Bank-a hanthawktu pakhat, Khit Thit Media-in an zawhnaah chuan Centrl Bank-ah hian Pawisa lem a awm thu leh vawiin thlenga chin fel a la nih loh thu a sawi.
Military Council ten sorkarna an lak kum khat chhungah hian Bank-a pawisa dah, lak chhuah a theih tawh loh avangin mipui ten an ring tawh lova, Mipui te kutah sum a tam tulh tulh tawh a. Chuvangin kum khat chhung hian pawisa lem chungchangah harsatna a lian chho zel a, dan theih loh dinhmunah kan thleng ta a nih hi’ tiin a sawi zui.
‘ Pawisa lem chhuak hi Central Bank hian a hre lo a ni lo. Bank system chungchangah mipui ten an ring tawh lova, a pung hmanga sumdawnna che vel pawh a awm thei tawh lova. Mipui kutah sum a thahnem tak avangin a tak leh a lem hriat hran a har tawh a. Chu chu remchangah lain pawisa lem a tam telh telh a, kum khat chhungin Billion tam tak a awm mai thei a ni’ tiin Centrl Bank Officer chuan a sawi.
Ram chhungah dan leh hrai mumal a awm tawh loh avangin pawisa lem a tam phah a ni tiin a sawi zui bawk.
‘Ram chhunga dan leh hrai kenkawhna a awm lo hi a pawi bera chu a ni. Military Council ten mipui kawngzawh te leh PDF ralthuam keng te manin an sawisa a. Ram chhung muanna turin engmah an titheih si loh avangin pawisa lem chungchangah pawh an thunun thei lo a ni; tiin a sawi zui bawk.
Titia hriat danah chuan ram pawn atanga pawisa lem phur luh nual a nih angin ram chhungah pawh siam chhuakin an theh darh nual thu hriat a ni,
HlaingTa Yar PDF te paw’n ram buai avangin pawisa lem a tam tawh thu March ni 12 khan mipuite an hriattir thu, thuchhuah an siam.
‘Tun dinhmunah, ram chhung boruak a that loh lai hian pawisa lem an theh darh chiam a. Social Media lamah pawh hmuh tur a awm nual. HlaingTa Yar-ah chuan ni tin eichawp dap te an ni a, hlawh an lak chan te hian pawisa lem an zep tel thin a, Chhe leh HnaLung Lucky Tiket-ah pawh pawisa lem an zeh tel nual thu hriat a ni.
Chuvang chuan harsa taka sum zawng te hnenah Dawrkai te bakah sum hmanga hnathawk te reng reng te hnenah pawisa lem lakah mipui te I fimkhur ang u’ tiin HlaingTa Yar PDF ten thuchhuah an siam.
