Military council sipaite man tawk lemchan thiam Thinza Wint Kyaw leh model Nan Mwe San te chu a vawi khat nan Ma Yan Kone court leh North Dagon court-a koh an ni a, September ni 14-ah thuzawh fiah an nih thu hriat a ni.
Lemchan thiam Thinza Wint Kyaw chu Ma Yan Kone township court-ah Electronic Law section 33 (A) hmanga a thubuai ngaihtuah a ni a, senior lawyer pakhatin a dinsak a, Model Nan Mwe San chu a chenna veng North Dagon township court-ah a thubuai ngaihtuah niin, military rorelna hmun a nih vangin, ukil a ruai ve thei lo a ni.
A thian hnai takte chuan, “Anni pahnih court-na hmun chu a inang lo. Nan Mwe San chu North Dagon-a sipai awpna hmun a nih avangin sipai court-ah thu zawh fiah a ni a. Ukil a nei lova, a ukil-in a zui thei lo bawk a ni,” tiin an sawi.
An pahnihin Insein jail-ah dah an nih thu hriat a ni a. August thla ni 5 khan an pahnih chu sex lam kaihhnawih thlalak leh video zuar chhuaka sumdawng anga puh an nih angin, Myanmar culture khawih chhe thei case, Electronic communication law section 33(A) hmanga thubuai siamsak an nih thu military council-in thuchhuah a siam hnu, September ni 14-ah a vawi khat nan court-a hruai an ni.
Lemchan thiam Thinza Wint Kyaw leh model Nan Mwe San te pahnih case awrhtir mek Electronic Law section 33 (A) chu a tlem berah kum 5 atanga kum 7 thleng tan theihna a ni.
