Reykjanes Peninsula hi Iceland ram chhimthlang lama khawmual zum, tuipuia inkhawh lut a ni a. Thla 15 kal ta atang khan lirnghing, rei tak che chang lova muhil chu a rawn harh leh tan niin mi thiamten an sawi.
He lai ram bialah hian mihring singhnih chuang awrh chauh an awm a, mahse a chheh vel nena khaikhin chuan mihring bitna hmun a ni ve.
February 24 atanga tun March 8 thleng (ni 12 chhung) hian Reykjanes Peninsula-ah hian lir vawi 20000 chuang zet a nghing tawh tih Severe Weather Europe chuan a sawi a. Ni khatah chawhrualin lir vawi 1660 vel zel nghing thin anga chhut theih a ni. A sawi nasa mawlh mawlh thin khawp ang le.
He lai hmunah hian kum 800 kal ta chhung khan lirnghing a che lo viau tih National Georaphic chuan a sawi a. Tuna lirnghing rawn tam thar leh hi lei hnuai lama volcano tuihnang hnathawh a nih an ring. Heitang hian kum 100 lo awm leh tur chhung chu a chet an ring a ni.
Scientist-te chuan he lai hmunah hian leilung insawih danglamna te an hmuh bakah lei hnuai lung tui sa (magma) luang che vel, lei chunglang lam pana an che ri mur mur an hre thei. Hei vang hian tlangkang / puak (eruption) a awm thuai pawh an ring a ni.
Credit: Severe Weather Europe, National Geographic.
