Kayini State, LoiKaw-MoeBe kawnga ni 2 chhung inbeihnaah Military sipai 20 an thih bakah silai 8 an laksak a, sipai motor pakhat a chhiat thu KNDF te hnen atanga hriat a ni a.
July 24,25 khan LoiKaw khawpui MawSi SuSi khua atanga chhuak Military council sipaite leh MoeBe khua atanga LoiKaw khaw pan mek Military council sipaite chu KA, KNDF B/02, KNDF, B/14, KNDF B/12, KNF ETD leh LoiKaw PDF tangrual pawlten an beih rawn thu hriat a ni a.
He inbeihna ni 2 chhung hian Military council sipai 20 aia tlem lo an thi a, MA-1 panga, MA-2 pakhat, MA-3 pahnih leh ralthuam tam tak an laksak bakah sipai motor pakhat an tihchhiatsak thu hriat a ni bawk.
Heng bakah hian Military council sipaiten PheKhon leh MoeBe kawngpui atanga LoiKaw khaw pan mek Military council sipaite chu KNDF B/03 leh tangrual pawlten an beih rawn thu hriat a ni a.
LoiKaw, MoeBe,PheKhon kawngpuiah Military council sipaiten an beih reng thin avangin mipui te fimkhur turin KNDF Central news leh information-ten an thuchhuahah an tar lang a ni.
