Thai leh Myanmar ramri, Mae Sot khawpuiah eichawp zuar tur Car-a chuang Myanmar mi 52 te an man thu Thai news agency chuan a tar lan thu hriat a ni a.
August 3 zan khan Mae Sot khawpui MePa hmuna check gate-a Truck motor pakhat chu Thai thuneituten dawm dingin an check-naah eichawp, thlaihnah zuar tur Myanmar mi an man nual thu hriat a ni a.
MyaWaDi ramri atanga an pal tlang dawn hian Myanmar mi 32 ten card an nei a, mi dang 20 te erawh chu card an nei lova. Thai driver hian an phurh te hi a hriat loh thu leh a thil phurh man Bath 10000 vel chauh a hlawh thu a sawi a.
Myanmar atanga eichawp zuar tur te hian mi pakhatah motor chuan man Bath 20000 theuh, a vaiin Bath maktaduai khat Bangkok thlenga chuan man an pek thu an sawi a. Myanmar mi te leh driver te chu Mae Sot police station-ah hruai an nih hnuah Myanmar kharchhawng te chu an thawn kir leh thu hriat a ni.
July thla chhung khan Thai-ah Myanmar mi, dan lova lut mi 280 chuang man tawh a, motor chetsualna avangin Myanmar mi 4 an thih tawh thu Thai news agency chuan a tar lang a ni.
