Malaysia-a dan lova lut Chin mi 100 chuang vel te chu August 10 khan man an nih thu Malaysia, Chin insuihkhawmten an sawi a.
August 10 khan Malaysia, Kuala Lumpur khawpui, Cheras leh Saraban khuaa Biak ina an tawngtai laiin a tam zawk an man nual thu Malaysia Chin insuikhawm pawl zinga Pu Aih Lun chuan heti hian a sawi.
“Cheras hmuna an man te an tam ber a, Saraban Biak ina tawngtai lai an man bawk a, heng hmun pahnih te hi an man deuh ber te chu an ni” tiin a sawi a.
Heng an man te hi Matupi an tam ber a, Paletwa, Mindat leh Rakhine mi te an ni a, UNHCR te hnena raltlan nihna dil mek te an ni a. Heng case hi thla 6 chhung Jail tan theihna a ni a, an vai hian Myanmar-ah thawn haw theih an nih thu Chin insuihkhawm pawlten heti hian an sawi.
“A ruahman angin an man phawt a, UNHCR-ah an try mek a, phatna tur a awm hmel loh” tiin Chin insuihkhawm pawla Pu Aih Lun chuan a sawi a ni.
Malaysia-a Myanmar mi an man te hi mi 200 vel an ni a, work permit nei lo mi nuai khat chuang vel an awm thu a sawi zui bawk a. Tuna an man te hi Myanmar-a thawn haw lo turin Malaysia sorkar-ah an ngen thu hriat a ni bawk.
