Thailand ram Surat Thani State, Thra Chan township, Thra Chan village tract, MuThi 3 kawngpuiah dan lova lut, hriatpuina lehkha pawh nei lo Myanmar mi 14 te chu August 2 khan man an ni a.
Heng Myanmar mi te hi Prachuap Khiri Khan State atangin Thai leh Malaysia ramri Songkhla State-ah Car-a an tlan laiin Surat Thani State huam chhungah an man thu Labor Affairs-a thuneitu Pu Moe Chu chuan VOA Media a hrilh a.
“Thailand, Surat Thani State huam chhung kawngpui pakhatah dan lova lut, hriatpuina lehkha pawh nei lo Myanmar mi 14 te chu security-ten an man a. Car licence nei lo tlan lai chu an rinhlelh avangin an dawm ding a, hriatpuina lehkha nei lo Myanmar mi 14 te an man a. Driver hian Bath 30000 hlawhin Thai chhim lama a phurh te an ni” tiin a sawi a ni.
Hetiang vek hian July 30 pawh khan Thai leh Malaysia ramri Songkhla State-a lut tum, Myanmar mi 10 an man tawh thu Pu Moe Chu chuan a sawi bawk a.
“July 30, zan dar 10 vel khan Thai, Ranong State tlak lam, Thai royal sipai check gate-ah Car dawm dingin Myanmar mi 10, hmeichhia 2 leh mipa 2 an man a. Hetiang hian Thai-ah, thla tin hriatpuina nei lova, lut ru human trafficking mi te an tam thin thu hriat a ni bawk.
