Kum 5 kal taah khan Malaysia, Selangor State, Selayang khuaa tualchhung kum 27 mi Grab an tih Driver chu Myanmar mi, kum 28, Sua Lay leh India mi Gurpreet Singh ten an thah avangin July 29 khan thi tura an chung thu rel an nih thu Malaysia-a awm Myanmar miten an sawi a.
“Thi tura an chung thu rel tihah hian khai hlum tur an ni a, eng hunah nge an khai hlum dawn kan hre lo” tiin a sawi a.
Driver an thah tak hi Taxi hire hnuhnung bera chuang Myanmar mi, kum 28, Sua Lay leh India mi Gurpreet Singh ten kum 2018, June khan an reh hlum a nih thu DNA test-na atangin an hriat chhuah thu Malaysai news chuan a tar lang a ni.
Malaysia-ah hian ram dang mi thi tura an chung thu rel mi 1042 an awm a, heng zinga a tam zawk te chu ruihtheihthil case, insuam leh tualthah case bakah dan bawhchhiatna avang te an ni tlangpui a.
Heng an man tak mi 2 te hi UNHCR chuan Refugee Card nei te an ni tiin Malaysia news chuan a tar lang bawk a ni.
