Myanmar mi a nuai tel hna thawka, an awmna hmun Malaysia-ah foreigner awm phalna permit kum 2022 March atanga tihtawp a nih hnuah tunah an pe chhuak leh tawh a. Hetia permit renew thin te sum lamah inbumna a awm thin avangin company hriatpuinaa permit siam turin Myanmar-a thuneitu ten fimkhur turin an hriattir a ni.
Permit zo tawh ram dang mi hnathawk te leh dan lova lut te Malaysia sorkar chuan dan anga phalna permit a siamsak zel a. Heng permit an siamsak zingah hian Myanmar mi an tam hle a, permit siam tur te hian company remtihpuina nei theuh turin a phut a ni.
Heng zingah Myanmar mi ten permit an siamna kawng hrang hrangah sum tam tak an sen thin thu Myanmar thuneitu ten an sawi.
Malaysia-a Rakhein labor union ten heng chungchang hi Myanmar mi te hriat atan company-a hnathawk te leh hnathawk dang te sawm khawmin an sawihona hetiang hian VOA Media a hrilh.
“Siam phal hun an tihah siam ula, in siam duh loh chuan keini overstay ten harsatna kan tawk thin. Sunday-ah company hotute nen kan sawiho hunah an hriat thiam tur zawngin kan sawi ang a. Heng karah hian fing vervek an lo awm thin a, President tanpuinain meeting-ah sawi kan tum a ni”
Mi hausa kut hnuaia company hriatpuina nei permit nei thei turin Malaysia chuan Myanmar thuneitu te, thu a rawn a. Henga permit siam tur hian Ringgit 6000 chuang senso a tul thu an sawi.
“Thenkhat chuan an hriat angin an siam mai a, commission te an awm nual a. Visa a zawh chuan man a ni mai a, heng avang hian sorkarin an puang hial a. Chuvangin Myanmar mi ten mi hausa kut hnaia company hriatpuina permit neih a pawimawh a ni”
Myanmar thuneitu ten Myanmar mi permit nei lo mi nuai 2/3 vel an awm an ring a. Malaysia-a hnathawh phalna permit siam duh tan kumin 2023 December 31 thleng hun pek a ni a. Permit hi kum khat tan siam a ni phawt ang a, hnathawktu ten hriatpuinain kum khat vawi khat a renew thei dawn a ni.
