Malaysia ram khawpui, Kuala Lumpur-ah August 5 khan Myanmar mi hnathawk mi 108 an man thu hriat a ni a.
Myanmar mi pem kual hnathawk, Migrant workers awm hona Cheras building-ah Malaysia immigration thuneitu mi 60 rualten August 5, tuk khan an hup thut a, dan anga phalna nei lo hnathawk mi 425 an man a, heng zinga mi 108 te chu Myanmar mi te an nih thu hriat a ni a.
Heng Myanmar mi an man te hi tanpuitu nei lo te an nih thu Myanmar Labour, HnaLone Hla tlawmngai pawl zinga thuneitu Ko Thet chuan hetiang a sawi.
“A nihna dik takah chuan work permit neih loh avangin Myanmar mi 100 chuang an man a. Work permit siam theih hun a nih laiin an siam duh lova, heti hian an man ta a ni. A man zingah hian Myanmar mi 108, Bangladesh mi 252, Philippines mi 2, Indonesia mi 30, Cambodian 6, Nepal mi 20 leh Pakistan mi 7 te an tel thu hriat a ni bawk.”
Heng dan lova hnathawktute hi chawlhkar 2 chhung veh tawhin an hrilh hriat tawh hnuah Malaysia thuneituten an man thu hriat a ni.
Heng an man te hi Malaysia, Bukkake Jail-ah an khung mek a, Immigration-ten dan anga an hrem dawn thu hriat a ni bawk.
