Mandalay khawpuia Major anga lemchang mipa pakhat chuan sumdawng mite hnenah kawng hrang hranga sum a dil thin chu August ni 23 khan man a nih thu Military council, information news-ah an tar lang.
August ni 23 tuk khan chanchin hriat thawi avangin Security-te an duty mek laiin Chian Aye Tasan Township, Street No.33 leh 85 inkar, Tanhlet Hmaw tlak lam Ward, Maha Aungmay Township-a cheng, kum 30 mi Thet Way Phyu (or) Ko Thet Ko chu an man.
An man mi hnen atanga thu hriat dan chuan ‘February thla laihawl vel atang khan Tatmah 99-a Major Zaw Linn Tun, hming hawhin Maha Aungmay Township, Aung Maihseih leh Swe Thaih Buhfai dawr, Chan Chaneichawp dawr, Phu Lung Bike zawrhna dawr, Swe TiHardware dawr, Sein Win Win Thingpui dawr, Moe Moe Kyaw Chini dawr leh Chian Aye Tasan Township-a Thian Tin Store dawr, Ngwe lah Min Buhfai dawr, Ju Duh Agriculture bungraw dawr leh hmun hrang hrang te chu bum kualin sum an khawn thin tih Military council te thuchhuahah an tar lang.
Tuna a chetna hnuhnung ber tum chu August ni 22 tlai lam khan Chian Aye Tasan Township-a Swepyi Moe Agriculture bungraw dawr neitute chu Phone-in an vau lawk a, sum an dil leh a. A sum dil tawh zawng zawng tling khawm hi Ks. 11000000 (Nuai za leh sawm) a ni a, heng sum te hi sum inkhelh (Gambling) nanan hmang thin niin Military council te thuchhuahah an tar lan thu hriat a ni.
