Mandalay township-ah township pakhat leh pakhat inkal pawhna atan Card pakhatah Ks.5000-a lei a tul thu leh Application form lak man a tul thu tualchhung mi pakhat chuan a sawi.
Covid-19 third wave hluar avangin zing dar 9:00 atanga tlai lama dar 3:30 thleng, chenna in atanga chhuah phal loh tih a ni a, loh theih lohva chhuah a nih dawn chuan ri pel card siam nan application form pakhatah Ks.500 atanga Ks. 1500-a lei a ngaih thu, a leitu pakhat chuan Mizzima News a hrilh.
‘Mi tam tak an thih phuk phuk lai khan an fimkhur em em si lova, tun khaw hnuah ri pel card an siam leh lawi si a. Card khat siam nan Ks.5000 min bill a, card siam nan application form tan Ks.1500 min dil leh a. Thenkhat chu chenna in khatah mi 4,5 an awm a, hman ni lawk khan pawisa sengin card an siam ve na a, nimin kha chuan pawisa an pe leh bawk si lo’ tiin Amarahburah township, mi pakhat chuan a sawi.
Township pakhat leh pakhat inkal pawhna ri pel card hi Township Administor Office-ah siam a tul a, hemi hma hian Ward Administor Office-ah Application lak a tul phawt a. Application lak dawn hian tlema zawng pawisa pek phawt a tul a. Township Office-a Application pakhat fill-up dawn hian Ks.500 atanga Ks.1500 pek a ngai a.
Mandalay, Changmya Tasi Township-a ri pel card siamtu pakhat chuan ‘Office kawtah Aungpyih Sung Store a awm a, chutah chuan Application form K.500-in kan lei a, mi dang pawh an awm teuh mai. Dawr nghaktu sawi angin kan fill-up a, kan va chherchhuan ve mai a. Thenkhat chu, chaw hmaah an zo fel mai a, kei erawh chu, a tukah chauh ka chang ve tawk a’ tiin a sawi. Mandalay-ah hian mi Maktaduai 6 (6000000) zet leh chhungkaw Nuai 13 (1300000) an awm a, chenna in khatah loh theih lohva ri pel card siam nan Application form pakhat Ks.500-a lei tur ni dawn ta se, Nuai 6500 (Ks. 650000000) chu Township Office-ah leh Xerox dawr velah a lut thei dawn anga ngaih theih a ni.
