Sagaing region , Tamu District atanga India, Manipur State-a Myanmar raltlante an la man chhunzawm zel a. Hman ni lawk thlenga an man zawng zawng hi mi 100, an chuan thu an sawi.
India, Manipur ramri, Moreh township, khaw thenkhata Myanmar raltlante an man zel avangin Myanmar atanga raltlan tur te an lungngai hle a. Foreign case-a an man tawh mi 160 zingah hmeichhia mi 50 leh naupang 28 an tel a ni. Tun dinhmunah hian heng an mi man te hi Manipur State, Imphal Jail-ah an la khung rih thu India for Myanmar tlawmngai pawl ten VOA Media hnenah ziakin a thawn a ni.
Hetia India lama Myanmar raltlante dinhmun a hlauhawm thu, Manipur State, Moreh khuaa raltlan mi pakhat chuan hetiang hian VOA Media a hrilh.
“Kan dinhmun chu a derthawng khawp mai. Heng hi ralthuam kengte vang a ni lova, mipui vang a ni. Tun hma kha chuan Moreh leh Tamu khawpui inkarah kan lut chhuak fo thin a. Tunah chuan min man tak avangin thenkhat chu ramhnuaiah te an riak hlawm a. harsatna kan tawk nasa khawp mai.”
India, Manipur State-a Myanmar raltlante hi Mizorama raltlante angin an tam lova, mi 15000 vel an awm an ring a. Tun hmain Manipur sokarin ram pahnih inkal pawhna zalen tak luh chhuah an phal laiin Myanmar Military council ten thuneihna an lak hnu atangin a khar leh ta a ni. Hman ni lawk pawh khan Manipur sorkarin Myanmar ramri-ah security an dah nual a. Myanmar raltlante dinhmun hi ram hrang hrang tangrual ten buaipui a ngai tak zet a ni tiin International relation mi thiam Min Ratuh Thet chuan RFA Media a hrilh.
“Myanmar raltlante hian a bik takin India, China leh Thailand-ah an tlan deuh tlangpui a. Heng an tlanna hmunah hian ram hrang hrang ten an buaipui an tul tak meuh a ni. Ram buai avangin hnathawh an nei tawh lova, zalen taka an awm theihna tur an mamawh a. A hmunah kalin Dialogue neih theih a ni tawh lova, an theih ang tawkin an do mek a ni”
Manipur sorkar chuan Myanmar atanga raltlante tanpui a phal loh thu te, ramri-a raltlan camp sak a phal loh thu te kum 2021 March khan hriattirna lehkha an chhuah a. A hnuah demna thu a tam avangin an sut leh ta a ni.
