India, Minipur State-a chi leh chi buaina chungchangah Meitei-ten Tlang hmuna awm Zo hnahthlakte an sawisak thu-ah vawiin thlengin India Prime Minister Modi-an eng thu mah a sawi loh avangin Mizorama Zo Reunification Organization (ZORO)-ten Modi-a thlalak an hla thu hriat a ni a.
July 12, chawhnu dar 12 vel khan Mizoram Aizawl khawpui Directorate Trasport Office bulah ZORO huaihawtnain mi thahnem tak an pung khawm a. Manipur State-a Meitei-ten Zo hnahthlakte an sawisakna avangin India Prime Minister thlalak leh Manipur State CM thlalak an hal a.
ZORO President Pu R, Sangkawia chuan “A tam zawk Meitei sorkar tangrual ten Tlangram awm Zofate an bei a, hetia tharumthawhna nasat an beih lai hian India Prime Minister Narendra Modi hian vawi khat mah a tawng chhuak lova, a ram mi leh sa kan ni lawm ni tih hi kan zawt duh a ni” tiin an sawi a.
“Meitei-te hian Biak in an hal nual a, chenna in an hal nual bakah mi tam tak an that bawk a ni” tiin a sawi zui bawk a ni.
Manipur State-a a tam zawk Meitei te hian Tlangrama awm Zofate awmna hmun hi Scheduled Tribe-a awm turin India laipuiah an dil thu-ah lungawi loh avangin May 3 khan Manipur State, Churachanpur khawpuiah Zo hnahthlakten ‘Solidarity March:” tiin kawng an zawh a, heng avangin Meiteiho leh Zo hnahthlakte inkarah buaina a chhuak tan a ni.
He buaina avang hian Meitei-ten Kristian Biak in 250 chuang an hal chhe tawh a, mi 130 chuang an thah tawh thu Indigenous Tribal Leaders’ Forum (ITLF)-ten an sawi a ni.
