India, Manipur State, Lamkha khawpuia Myanmar mi puantaha hnathawkte April 6, chawhnu 1:00 vel khan an man nual thu hriat a ni.
Lamkha khawpuiah Myanmar mi puantaha hnathawkte Manipur State police ten April 6, chawhnu 1:00 hnu vel khan an hnathawhna hmunah mi 20 chuan an man thu puantaha hnathawk zinga mi pakhat chuan heti hian a sawi.
“Eng vanga min man nge kan hre lo. Kan thian thenkhatte an tlalchhuak hman a, tlanchhuak ve lo hmun 3-a hnathawk mi 20 chuang min man hlawm a, an man zat chiah kan sawi thei lo” tiin Lamka khuaa Myanmar mi puantah mi pakhat chuan a sawi a ni.
Chanchin hnuhnung bera hriat danin mipa 6, hmeichhia 11 leh naupang 6 an vaiin mi 23 an man thu hriat a ni bawk.
Manipur State sorkar hian hman atang tawhin a ram chhunga Myanmar raltlante leh puantah mi te a man fo tawh thin a.
March 26 khan Manipur State sorkar leh Myanmar raltlante nen sawi hoin raltlan Card an saimsak bakah raltlan awmna tur hmun an buatsaihsak thu an sawi a.
Nimah se, tunah Lamka khawpuiah Myanmar mi puantah te Manipur police ten an man leh bawk a ni.
