Manipur State-ah Myanmar raltlan mi 80 an man

0

India, Manipur State-ah Myanmar atanga raltlan mi 80 Manipur police ten January 27, zing dar 7:00 vel khan an man thu hriat a ni.

Manipur State, Indo-Myanmar ramri Moreh khua atanga km 4 vela hla, Lan Chhan khuaa awm Myanmar raltlan mi 80 te Manipur State police ten an man thu raltlan tanpuitu zinga pakhat chuan a sawi.

“An khaw lalte ramri chungchangah an inhmuh thiam loh avangin thubuai an pu lut a. Police ten an check-na lamah raltlante permit nei lova an hmuh avangin an man a ni” tiin raltlan tanpuitu zinga mi pakhat chuan a sawi.

Heng an mi man te hi Chin mi te an ni a. Tamu District-a Military council sipaite leh tualchhung mipui inkahna avangin Manipur State-a tlanchhiate an ni a. Manipur police ten hmeichhia leh naupang tel lovin mipaho chauh an man thu hriat a ni.

Manipur State, Moreh township-ah Myanmar raltlan mi 3000 vel an awm thu hriat a ni bawk.

Share.

Leave A Reply

Exit mobile version