Manipur State-ah Meitei leh Zo hnahthlakte intihbuainaah Kristian Biak in 250 chuang an hal chhia tawh a, mihring 130 chuan an thah tawh thu Indigenous Tribal Leader’ Forum (ITLF)-ten an sawi a.
Indigenous Tribal Leader’ Forum (ITLF) te hi Manipur State chhunga Zo hnathlakte insuihkhawm pawlte an ni a, ITLF-ten an chhinchhiah dan chuan Meitei-ten Biak in 250 leh Kohhran hmunhma 90 chuang an hal chhe tawh thu The Aizawl Post chuan a tar lang a.
He buainaah hian Zo hnahthlak mi 130 chuang nunna an chan tawh a, heng zingah mi 50 chuang te chu chin hriat loh an nih thu ITLF-ten an sawi a.
Tun tum buainaah hian Zo hnahthlak khaw 160 chuangah chenna in 4500 chuang an hal chhe tawh a, mihring 40000 chuangten in leh lo an tlansan thu ITLF-ten an sawi bawk a ni.
Tun dinhmunah hian hliam an awm nual avangin Lamkha District Hospital-ah mi 200 chuang an enkawl mek thu hriat a ni a.
Manipur State-a mihring tam zawk Meitei te hian Zo hnahthlakte awmna hmun hi India dan angin Scheduled Tribe ni turin hman atangin an lo dil tawh a.
Chu an thil dil chu duh lovin May 3 khan Zo hnahthlakten Churachanpur khawpuiah “Solidarity March” tia kawng an zawh avangin Meitei leh Zo hnahthlakte karah buaina a chhuak ta a ni.
He buaina avangin Manipur State-ah Zo hnahthlak mi 50000 chuangin in leh lo an tlansan a, Mizoramah sa himna zawngin mi 10000 chuang an tlanchhe tawh bawk a ni.
