Military council ten Martial Law an puanna hmun Chin State, Matupi township khaw hrang hrangah Military council ten khawlal (Administrator) thlan an tum thu hriat a ni.
Matupi township-a khaw hrang hrang hi CDF-Matupi ten an thunun vek tihtheih a ni a. Military council ten khawlal kan thlang dawn tia an sawi chu nuihza bur ang a nih thu tualchhung mi pakhat chuan a sawi.
Tun dinhmunah hian Matupi khawpuiah khawlal hnathawk tumah an awm lova. Lawngban khua tak ngialah pawh khawlal hna chelh duh an awm lo a, Military council ten sipai pension te chauh khawchhung Clerk-ah an hman thu hriat a ni.
Matupi township-ah January 5, chawhnu khan Military council ten tualchhung mi 2 an man thu hriat a ni a. Matupi khuaah Martial Law an puan hnu hian zan tin khawchhungah sipai motor 3-in an fang kual thin a, zan dar 6:00 atanga zing dar 6:00 inkara tei chhuak reng reng an man a, San Baung Ward-ah tualchhung mi 2 an man thu hriat a ni bawk.
