Matupi township, Ngalai khaw chhehvelah Janaury 21-a Military council sipaite leh CDF te tum 3 inbeihnaah Military council sipai 8 an thi a, mi 5 an hliam thu hriat a ni.
Halkha khawpui leh Matupi khawpui inkar kawngah Janaury 21, chawhnu dar 2:00-4:00 thleng khan CDF-Matupi Battalion 2 leh Military council sipai te inkahnaah CDF lam thi leh hliam awm lovin an krisan thu CDF-Matupi information thuneitu pakhat chuan a sawi.
“Anni lam chuan ralthuam famkim nen min bei nasa hle a, theih tawpin kan lo chhang let a, operation kan beih hnu hian kan kirsan leh a ni” tiin Aron chuan a sawi.
Military council sipaite leh CDF tangrualte inbeihnaah hian Ngalai khua leh District office inkarah tum khat, District office bungraw dahna tlangah tum khat, Fanai Monastry-ah tum khat, a vaiin 3 an inbei a. He inbeihnaah hian CDF-Matupi, CDF-Mara leh CDF-Zotung ten an beih rawn thu hriat a ni.
January 15 tuk atang khan Ngalai khaw kiangah CDF-Matupi front line camp-ah Military council sipai 100 ten an luh chilh avangin buaina a chhuak a. CDF-Matupi sipai pakhat a boral a, Bike 11, phone 7, silai mu tam tak leh Kyats nuai 15 an hloh thu CDF-Matupi ten January 16 khan an thuchhuahah an tarlang.
Matupi township-ah hman ni lawk atang khan Military council sipaite leh CDF te an inkah nasat avangin mipuite thawk chhuak ve turin CDF-Matupi ten a ngen a ni.
