Matupi township Education board ten an huaihawt Matupi township chhung, hun khaihlak chhungin mipui tana zirna tur sum tuakin Mizoram, Lawngtlai khawpui CYLA Hall-ah March 11 hian Concert an buatsaih dawn thu hriat a ni.
Hun khaihlak chhunga zirna school atana school mamawh leh a tul pawimawh apiang hman tur atan sum tuak a nih dawn thu Matupi township Education Board huaihawttu Information thuneitu pakhat chuan a sawi a ni.
“Kum 2023 zirna kumah zirlai naupang tan leh hun khaihlak chhunga an in tunnun nan sum leh pai tuak nan Concert kan inbuatsaih dawn” tiin a sawi zui bawk a ni.
He sum zawnna Concert turah hian zai thiam David Lai leh Matupiians pawl te, Esther Sandaw te an zai dawn a. Matupi township MP Pu Pathang, Pu Lal Min Thang, Pu Ral Peng leh Board member mi bik TEO pension Pu Hla Pu ten thu an sawi dawn thu hriat a ni.
Ram hrang hrang mi te, tel theuh turin an sawm a, Matupians Page-ah an Live dawn thu hriat a ni bawk.
Matupi township Education Board te huaihawtnain Matupi township-ah hun khaihlak chhungin zirna school hmun 140 chuangah an zirtir a. Zirlai mi 9000 awmin zirtirtu mi 400 chuang ten an zirtir mek thu hriat a ni.
