Chin State chhim lam, Matupi township Nga Lai khuaah Military council sipai te leh CDF-Matupi-te inkahnaah CDF-Matupi sipai a boral a, silai 4 leh ralthuam tam tak an hloh thu hriat a ni.
January 15, zing dar 9:00 vel khan Matupi leh Halkha khawpui kawnga Nga Lai khuaah Military council 100 rual ten an luh chilh a, PDF-Matupi pawl te nen an inkah thu hriat a ni.
He inkahnaah hian CDF-Matupi sipai pakhat a boral a, M4 silai 2, ulhbun silai 2, Bike 11, phone 7 leh ralthuam tam tak bakah Myanmar pawisa Kyats nuai 15 an hloh thu CDF-Matupi ten January 16 khan an thuchhuahah an tarlang.
“Keini aiin an rawn thawk rih avangin kan post-na atangin kan kir leh” tiin CDF-Matupi Battalion, information thuneitu Aron chuan a sawi.
Military council ten Nga Lai khuaa chenna in an rawk nual a, January 16, zing dar 7:00 vel khan chenna in 3, Khawl hmangin an nawr chhia a, In 2 an hal chhiat thu CDF-Matupi ten an sawi.
Nga Lai khua inkahnaah Military council sipai pakhat an thih thu hriat a ni bawk.
