Chin State, Matupi khua, Matupi leh Halkha kawnga Military council huam chhungah township-a police sub. Lt pakhat chu an ralthuam nen an man thu CDF-Matupi news atanga hriat a ni a.
“FaNain leh NgaNain khua chu Military council te huam chhung a ni a, kan huam chhung a ni lo. Anni lam atangin zalen takin an rawn pal tlang thei a, VIP a rawn kal tiin an man a, Military council sipaiten an kap nghal” tiin CDF-Matupi-a thuneitu pakhat chuan a sawi a ni.
July 26, chawhnu dar 3:30 vel khan Matupi khua, Matupi leh Halkha inkar kawngpuia FaNain khua leh Matupi District office inkara Military council sipai buk khuar te chu CDF-Matupi-ten an beih thu hriat a ni a.
He an beihnaah hian Matupi township, police sub. Lt pakhat Chan Mynit Aung (Sipai No. Lah- 231908) chu a ralthuam ken puak 6 pistol pakhat, vawm bomb 2 leh silai mu 58 nen an man thu hriat a ni a.
Hetia CDF-ten an beihnaah hian thi leh hliam an awm lova, an kirsan leh thu hriat a ni a. police sub. Lt pakhat Chan Mynit Aung an man chungchangah a tul anga hrem a nih dawn thu hriat a ni bawk a ni.
