Kum 2023 March 20 atang khan Chin State, Matupi khuaa innghat, Khah Lah Yah (LIB) 304, Military council sipai 80 rual, motor 3-in Matupi khua atanga Thebui khuaa ralthuam leh ration phur te kum 2023 March 23,24 khan CDF-Matupi leh CNA ten bomb kam hmangin an bei a, Military council sipai thi leh hliam an awm nual thu hriat a ni.
March 24 khan Matupi leh Paletwa khaw kawng mel ban 14/15 inkar, a tum khat bomb kam hmanga an beihnaah Military council sipai 7 an thi a. tum 3 an beihnaah Military council sipai 6 an thi leh a, hliam an awm nual thu hriat a ni a, CDF-Matupi sipai pakhat a hliam a, an kirsan leh ta a ni.
Matupi leh Paletwa kawng mel ban 16 kawng pengah Military council sipai ten bomb an kam nual a, CDF-Matupi ten bomb kam an sut hma loh zawng mipui te veivak rih loh turin CDF-Matupi ten thuchhuah hmangin mipui te an hriattir a ni.
