Arakan (Rakhei) state, Maungdaw township hmar lam, Weila tlang bulah military council sipaite leh Arakan Army (AA) te chu August ni 3 zing lam dar 9-a an inkah thu hriat a ni.
Zing lam atangin chu lai, Wei-le tlang bulah silai lian leh te, puak ri hriat tur a awm tan a, tualchhung mi pakhat chuan, “Tukin zing lam dar 9 vel atangin inkah thawm kan hre tan a. Sipai leh AA ten an inkap an ti mai a. Silai lian leh te a puak reng a. Operation nei tur sipai leh tanpui tura kal erawh hmuh tur a awm lo. Sipai lam chu tun hnaiah motor kawng pangngai atangin an kal lo. Ramhnuai lam atangin force an in tirh belh zel thin a ni,” tiin a sawi.
Hetianga military council leh AA inkar tual thu chhe tan leh silai hial hmeh puah a nih takah chuan politics lama mithiamte chuan mipui sipaite tan hunt ha zawk inher chhuak tur niin, an sawi a. Tun hma chuan ramhnuai hmun kil khawr lamah chiah an inkap deuh ber a, tunah chuan khaw thenkhat leh khawpui hnai vaiah te pawh an inkap titih deuh ta reng a; chu chuan military council sipai tam tak pawt pengin ram chhung hmun hrang hrang inbeihna kal mekah nghawng a neih ngei an ring bawk a.
July ni 18 pawh khan Maungdaw township hmar lam Myawaddy khua leh Train khaw inkar tlang dungah military council sipaite leh AA te chu an inkap a, sipai 14 laiin man an tawk bawk a ni.
