Kayin State, Myawadi (Miah Wa Di) township, MaKaNe hmunah April 18,19, ni 2 chhung inkahnaah Military council sipai 24 an thi a, mi 23 an hliam thu Cobra operation ten an thuchhuahah an tar lang a.
KNU Brigade 6 huam chhunga MaKaNe hmuna Brigade 6 KNU/KNLA, Cobra operation 1,2, Kyathit (Chia Thit) operation, Federal Wings, Godel Eagle, Yaung Ni pawl, revolution pawl te leh Military council Khah Lah Yah (IB) 275, IB 355, IB 102, Ma 2, IB 207, BGF 1019 Battalion tangrual te a inkah thu hriat a ni a.
April 18 zing dar 5:00 atanga KeKaNe khaw bula an inkah tum khan Military council sipai 4 an thi a, mi 5 an hliam angin tangrual atangin mi pakhat a boral a, mi 7 an hliam thu Cobra operation ten an sawi.
He inbeihnaah hian Military council sipai hnen atangin 40 MM pakhat, AK silai pakhat tangrual pawl ten an laksak a.
A tuk April 19 zanlai velah Military council sipai ten ralthuam lian an bomb chiam a, zing lam dar 6:00 thleng khan tangrual pawlte leh Military council sipaite an inkap nasa hle a ni.
He inbeihnaah hian Military council sipai 20 an thi a, mi 18 an hliam thu Cobra operation ten an thuchhuahah an tar lang a, Military council sipai hnen atangin MA 1 silai pakhat, MA 2 silai pakhat, MA 3 silai pakhat, Silai dawt tawi pakhat. 60 MM Commando dawt pakhat, 60 MM dawt sei pakhat, silaimu 500 leh ralthuam hmanraw tam tak an laksak thu Cobra operation ten a thlalak nen an tar lan a ni.
