July ni 4, chhun dar 12:25 velah Myanmar-Thai border bul, Karen state, KNLA brigade area chhunga Arakan Army camp pakhat chu military council jet fighter pahnihin bomb thlaka a beih vangin Arakan Army (AA) sipai 6 an thih thu July-ah thuchhuah siam a ni a.
Chu lai hmun hnai vaiah inkahna engmah a chhuak lova, military council jet fighter pahnih hmanga beihna chu tum nei rana thil tih a nih thu leh sipai lam pawhin an phu tawk ang an hmuh ve dawn thu Arakan Army (AA) thupuangtu Khaing Tuh Khah chuan Western News a hrilh a ni.
Chu military council airstrike chuan camp chhunga damdawi in, clinic, khawl telin building thenkhat a tichhia a. Jet fighter pahnih chuan ramria AA camp (Myanmar ram lamah) rin loh taka bomb a thlak hnuah Thailand ram chhungah a thlawk lut niin thuchhuah a ni a.
Kum 2014 November ni 19-ah pawh Kachin state, Laizaa KIA sipai training hmunah military council-in laipuia a kah avangin, KIA hnuaia sipai officer training 23 an lo thi tawh bawk a. Chung sipai thite chu TNLA pawla mi 11, AA 8, CNF 2 leh ABSDF-a mi 2 te an ni.
