Military council sipai ten Kalaymyo khawpui atangin Halkha khawpui lam pana an ration phurh laiin CNDF Battalion ten Halkha leh Falam khawpui inkarah bomb kam hmanga an beihnaah Military council sipai ration phur motor 5 a chhiat thu hriat a ni.
April 9 pawh khan Truck ke 16 nei pakhat leh Truck 6 nei pakhat an bomb chhe tawh a, April 10 khan Truck ke 6 nei pathum an tichhe leh bawk a ni.
Military council sipai ten Kalaymyo khawchhunga mimal motor 30 vel an hman luihsak hnuin March 7 khan armoured car telin Chin State lamah an chho a ni.
Heng Military council sipaite hi indanna motor 2 leh sipai 150-200 bawr vel an awm rin a ni bawk.
Revolution beitu ten vawi duai lo kawng hrang hranga an beihna avangin Kalaymyo atanga Halkha inkar ni khat lek thlen theihnaah Military council sipai ten thla khat chuang zet an thang tawh a. Tunah Halkha khawpui la thleng thei rih lovin Halkha khua atanga mel 17 vela hla Chhawng Chung khaw bulah April 10, chawhnu khan an la thlen thu hriat a ni.
